duna lu signali d’a partenza.
Vu… vu… vuuuuu.
E lu bastimentu s’alluntana,
lentu lentu,
di la banchina
china di lacrimi di sangu.
È chinu di pirsuni migranti
stu bastimentu,
custritti a pàrtiri
pii la disoccupazioni.
A li spaddi làssanu ricordi,
parenti, amici cari,
ca salutanu a gesti,
a gola china.
Di 'nterra ci rispùnninu :
«Mi raccumannu!
Attentu pi’ lu mari!
Attentu cu cu ti unci,
cu cu ti vai a curcàri!»
‘U capitanu rumpi dd’emozioni,
e aràciu aràciu ordina:
«Barra a dritta! Avanti tutta! Saluto!»
E la sirena fu la prima e l’ultima a fàrisi sentìri:
Vu… vu… vuuuuu.
Lu vapuri parti,
e prestu scumpari mari mari.
Ciao figghiu, ciao patri, ciao amuri !
Serafino AZZARA (21 ottobre 1988)
Nessun commento:
Posta un commento