La partenza dell’operaio per l’America

Chi scompiglio chi c’è tra li paisi
tra li famigli e tra tutti li casi.
Dipò chi l’America s’intisi
pi la partenza ognunu fa li basi.

Cu si pripara mutanni e cammisi,
cu nnavi grana si ‚mpigna li casi.
Afflittu cu ‚a famiglia s’allicenza
e poi pi l’America partenza.

O quantu è tinta ‚sta brutta spartenza
lassari li famigli a li duluri.
Io stesso ca lu cuntu mi cunfunnu
ca di ccà si v’attacca a n’atru munnu.

Perciò tutta sa genti pi campari
all’America tutti n’avissimu a ghiri
ca ddà nni issimu a situari
e mangiassimu a nostru piaciri.

All’America su mezzu li dinari
e si mania qualchi cincu liri.

Domenico Azzarello
La partenza dell’operaio per l’America, 1906